Tilkomst:

Du kjem ikkje utanom ein båttur om du vil besøke Værlandet og Bulandet. Det går ferjer fra Askvoll og Fure til Værlandet, og på vegen får du sjå spektakulære Alden i horisonten. Mange opplev denne ferjeturen som ei oppleving i seg sjølv!

Sjå Kringom for rutetider og annan informasjon.

Gjestehamner:

Værlandet Gjestehamn har tilrettelagt kai for fritidsbåtar med sanitæranlegg med dusj, toalett og vaskerom. Der finn du også strøm, diesel, vassfylling og trådlaust internett.

Sjå sida til Værlandet Gjestehamn for meir informasjon.

Nikøy Gjestebrygge har liggeplass for rundt 50 båtar med moglegheit for landstrøm. Der finn du også eit servicebygg med dusj, toalett og vask/tørk av klede. Kortbetjent bensin/diesel-fylling på kaia.

Nikøy Gjestebrygge ligg i tilknyting til Joker Bulandet.

Pernillestø Gjestehamn har plass til ca. 10 fritidsbåtar og har tilgang til dusj/wc, vatn og straum. Det er også utemøblar og mogleg å grille på kaia.

Sjå sida til Pernillestø Gjestehamn for meir informasjon.

Sykkel:

Det er sjølvsagt fullt mogleg å utforske øyriket i bil, men den aller beste opplevinga får du frå sykkelsetet. Om du ikkje ønsker å ta med din eigen sykkel kan du leige ein når du kjem hit.

Sjå aktivitetssida Sykkelutleige for meir informasjon.


Brosjyrar og informasjonsmateriell

Brosjyre - Norsk


Kart

Værlandet og Bulandet på Google Maps